Best Collection Of Amjad Islam Amjad Poetry.
Jo Tum Nay Thaan Hi Li Hai
Humaray Dil Se Niklo Gay
Too Itna Jaan Lo Jaanan...
Samandar Samnay Ho Ga Ager Sahil Se Niklo Gay
Sitaray Jin Ki Aankhon Nay, Humain Ik Sath Dekha Tha
Gawahi Denay Aain Gay
Puranay Kagzoon Ki Balkooni Se Bohat Se Lafz Jhankain Gay
Tumhain Wapis Bulain Gay
Kai Waday, Fasadi Qarz Khawahoon Ki Tarah Tumhain Rastay Main Rookain Gay
Tumhain Daman Se Pakrain Gay
Tumhari Jaan Khain Gay
Chupa Ker Kis Tarah Chera
Bhari Mehfil Se Niklo Gay
Zara Phir Soch Lo Janan
Nikal Too Jao Gay Shayad
Magar Mushkil Se Niklo Gay
Uss Nay Mujh Say Kaha
Merey Saathi;
Tum Ko Mujh Say Jo Hay Gilah
Kiya Hay??
Kabhi Fursat Milay Tou Yeh Socho,
Manzilein Kiyun Hain?Faslah Kiya Hay?
Apnay Apnay Safar Peh Niklay Log
Mushtarik Raastoon Peh Chaltay Hain
Hamrahi Kay Hisaar Main Jitnay
Din Nikaltay,Chiragh Jaltay Hain
Apni Apni Ummid Kay Dar-O-Baam
Zindagi Kay Safar Main Miltay Hain
Mustaqil Dard,Aarzi Aaraam
Tum Meray Hamsafar Tou Ho Lekin
Hum Kahin Say Bichar Bhi Saktay Hain
Dair Tak Aik Taveel Rastay Per
Saath Tou Ajnabi Bhi Chaltay Hain
Chand K Sath Kai Dard Purane Nikle
Kitne Gam The Jo Tere Gam Ke Bahane Nikle
Fasl-E Gul Ai Phir Ik Bar Asiran-E-Vafa
Apne Hi Khun K Dariya Main Nahane Nikle
Hijr Ki Chot Ajab Sang-Shikan Hoti Hai
Dil Ki Befaiz Zaminon Se Khazane Nikle
Umr Guzri Hai Shab-E-Tar Main Ankhain Malte
Kis Ufaq Se Mera Khurshid Na Jane Nikle
Ku-E-Qatil Main Chale Jaise Shahidon Ka Julus
Khvab Yuu Bhigti Ankhon Ko Sajane Nikle
Dil Ne Ik Int Se Tamir Kiya Taj Mahal
Tu Ne Ik Bat Kahi Lakh Fasane Nikle
Dasht-E Tanhai-E-Hijrann Main Khara Sochta Hun
Haye Kya Log Mera Sath Nibhane Nikle
Main Ne 'Amjad' Use Bevasta Dekha Hi Nahi
Vo To Khushbu Main Bhi Ahat Ke Bahane Nikle
Kisi Ke Aankh Jo Purnam Nahi Hai
Na Samajho Ye Ke Us Ko Gham Nahi Hai
Savad-E-Dard Mein Tanha Khada Hun
Palat Jaun Magar Mausam Nahi Hai
Samajh Mein Kuch Nahi Aata Kisi Ke
Agarche Guftagu Mubaham Nahi Hai
Sulagata Q Nahi Tarik Jangal
Talab Ke Lau Agar Maddham Nahi Hai
Ye Basti Hai Sitam Paravar Digan Ke
Yahan Koi Kisi Se Kam Nahi Hai
Kinara Dusara Dariya Ka Jaise
Wo Sathi Hai Magar Maharam Nahi Hai
Dilon Ke Roshni Bujhane Na Dena
Vajud-E-Tiragi Mahakam Nahi Hai
Main Tum Ko Chah Kar Pachata Raha Hun
Koi Is Zakhm Ka Maraham Nahi Hai
Jo Koi Sun Sake ‘Amjad’ To Suna Dena
Ba-Juz Ek Baz Gasht-E-Gam Nahi Hai
Sath Tu Ajnabhi Bhi Chalte Hein
Us Ne Muje Kaha
Mery Sathi!
Tum Ko Muj Se Jo Gila Hai…Kaya Hai!
Kabhi Fursat Milay Tu Ye Socho
Manzilain Kiyn Hein? Fasla Kaya Hai?
Apne Apne Safar Per Niklay Log
Mushtarik Rasto Pay Chalte Hein
Humer He K Khisar Mein Jitne
Din Nikalte Hein Chiragh Jalte Hein
Apni Apni Umeed K Daro Baam
Zindagi K Safar Mein Milte Hein
Mustaqil Dard Arzi Araam
Tum Mere Hamsafr To Ho Lakin
Hum Kahin Se Bichar Bhi Sakte Hein
Dair Tak Ik Taveel Raste Per
Sath Tu Ajnabhi Bhi Chalte Hein
Jo Zakhm Tu Nay Diye Thay Woh Bhertay Jatay Hain
Charhay Hoay Thay Jo Dariya Utartay Jatay Hain
Yeh Ahel_E_Shahr_E_Wafa Hain Ajab Bahar Parust
Sarooo Kay Phool Faseelo’n Pay Dhertay Jatay Hain
Nahi Hai Aur Tu Kuch Bhi Hamaray Hatoo’n Main
Siva_Ye_Arz_E_Tamman Na So Kertay Jata Hain
Ajeeb Loog Hain , Yeh Ahel_E_Intezaar Kay Jo
Khud Apni Aag Main Jul Kar Sa’nwertay Jatay Hain
Najanay Kaun Si Basti Kay Hain Yeh Bashindey!
Nazar Uthatey Nahi Aur Guzertay Jatay Hain
Yeh Aaj Shaher Pay Utri Hay Kis Bala Ki Raat
Charaagh Apni Lawoo’n Say Mukertay Jatay Hain
Darakht Shaam Ko Lagtay Hain Shaher Say Amjad
Kay Shaakh Shaakh Parinday Utartay Jatay Hain